وٹامن ڈی صرف ایک وٹامن نہیں، بلکہ ایک طاقتور ہارمون ہے Vitamin D is not just a vitamin, but a powerful hormone.

وٹامن ڈی شاید آپ کو ایک عام وٹامن کی طرح لگے، لیکن آپ کے جسم کے لئے اس کی اہمیت اس سے کہیں زیادہ ہے ۔ سائنس دان اب وٹامن ڈی کو ایک روایتی وٹامن کے بجائے سٹیروئڈ ہارمون کا درجہ دیتے ہیں ۔ جی ہاں، زیادہ تر لوگ اسے صرف ہڈیوں کی صحت سے جوڑتے ہیں، مگر حقیقت یہ ہے کہ وٹامن ڈی ایک سٹیروئڈ ہارمون ہے—بالکل ٹیسٹوسٹیرون اور ایسٹروجن کی طرح ہے۔

، یہ ٹیسٹوسٹیرون، ایسٹروجن، اور کورٹیسول جیسے ہارمونز کے خاندان سے تعلق رکھتاہے

یہ ہارمون سورج کی روشنی کے ذریعے آپ کی جلد پر کولیسٹرول سے بنتا ہے، اور پھر جگر اور گردوں میں جا کر ایک فعال شکل اختیار کرتا ہے جسے کالسٹریو کہا جاتا ہے۔ ایک بار فعال ہونے کے بعد، یہ محض ہڈیوں کی مدد نہیں کرتا بلکہ خلیات میں داخل ہو کرآپ کے ڈی این اے کو ریگولیٹ کرتا ہے۔ وٹامن ڈی ریسیپٹرزسے جُڑ جاتا ہے اور آپ کے جینز کو ریگولیٹ کرتا ہے—یعنی جینز کو آن یا آف کرتا ہے۔

اس کا مطلب یہ ہے کہ وٹامن ڈی مدافعتی نظام کو فعال رکھنے، سوزش پر قابوپانے، خلیاتی نشوونما، اور جینیاتی افعال کی ادائیگی جیسے اہم کاموں میں کلیدی کردار ادا کرتا ہے۔ یہ فاسفیٹ کی سطح کو منظم کرتا ہے، خلیوں کی مرمت میں مدد دیتا ہے، اور ایک مضبوط مدافعتی دفاع کو برقرار رکھتا ہے۔ یہ کہنا غلط نہیں ہوگا کہ یہ آپ کے جسم میں ایک ماسٹر ریگولیٹر کے طور پر کام کرتا ہے۔

زیادہ تر لوگ وٹامن ڈی کو صرف ہڈیوں کی صحت یا دھوپ سے جوڑتے ہیں، مگر اس کا اثر اس سے کہیں گہرا ہے۔ یہ ان نظر انداز کیے جانے والے ہارمونز میں سے ایک ہے جو خاموشی سے آپ کی حیاتیات پر خلیاتی سطح پر اثر انداز ہو رہا ہے۔

سورج کی روشنی، غذا یا سپلیمنٹس کے ذریعے مناسب مقدار میں وٹامن ڈی حاصل کرنے سے نہ صرف آپ کی ہڈیوں کی حفاظت ممکن ہوتی ہے، بلکہ یہ آپ کی جینیاتی پروگرامنگ اور مجموعی صحت کو بھی بہتر بنا سکتا ہے۔

وٹامن ڈی کے حصول کے لیے:

دھوپ میں وقت گزاریں✅

وٹامن ڈی سے بھرپور غذا کھائیں✅

ڈاکٹر کے مشورے سے سپلیمنٹ لیں✅

آپ کا جسم اس “سن شائن وٹامن” کو ماسٹر ریگولیٹر مانتا ہے — کیا آپ بھی مانتے ہیں؟